Nyiribinyoma ku ngoma y'agafuni

Muri iki gitabo, umwanditsi araganira, mu buryo bw’ubuse, ku mpuzabihugu (empire) yitwa Bufuni-Nzaratsi, aho agafuni n'uburozi bigaba amashyo n'ibirombe, aho amarira arirwa n'abaturage ari imigezi n'inyanja. Bufuni-Nzaratsi itegekwa n’umwami Nyiribinyoma, ingoma y'ingabe ikitwa Balinga, ikagira ingoma ziyigaragiye eshatu : Cyimumugayo, Kalihanika na Rwapfa. Ingoma Balinga ntivuzwa n’imirishyo isanzwe, imirishyo yayo ni udufuni. Umwanditsi araganira ku mwaduko, ku mahano y'ubwicanyi n'ubusambo, ku kuganza, no ku marembera ya Nyiribinyoma. Ibyinshi mu bigwi bye by’agahomamunwa, ni Nyiribinyoma ubwe ubyivugira mu mvugo iryoheye cyane umusomyi n’umusomerwa.

Bamara Prosper yavukiye i Kigali (Nyarugenge) muri 1970.  Yize mw’iseminari nto i Zaza, akomereza muri Kaminuza i  Butare muri  1991. Muri 1992 yasanze FPR-Inkotanyi ku rugamba.  Bamara yakoze imirimo inyuranye ya gisilikari cyane mu nzego z’ubutasi.  Hanyuma  arasezera ajya gukomeza amashuri ye  muri Afrika y’epfo.
Afite impamyabushobozi (Licence) n’indi yo mu cyiciro cya 3 mu byerekeranye n’imitunganyirize y’ibikorerwa mu  nganda  (bio- technologie des hydrocarbures). Bamara yakoze kandi mu busha- kashatsi mu by’ubuhanga anigisha muri Kaminuza y’ubuhinzi- bworozi ya Busogo.  Yakoze  mu  kigo  kigenzura imirimo imwe ifitiye igihugu akamaro, aza no kuba umuyobozi w’ishami ry’ubucukuzi bwa gaz (energy). Nyuma byaje kuba ngombwa ko ahunga igihugu kubera impamvu za politiki n’iz’ubwisanzure mu bitekerezo. 

Livre en vente sur Bookelis